રેલવે સ્ટેશન પર દરરોજ મોટી સંખ્યામાં મુસાફરો અવરજવર કરતા હોય છે. આવી જગ્યાએ કેન્ટીન અને ફૂડ સ્ટોલમાં સ્વચ્છતા જાળવવી અત્યંત જરૂરી છે. જોકે, વાયરલ થયેલા આ વીડિયોએ સ્ટેશન પર ખાદ્ય પદાર્થોના સંગ્રહ અને સ્વચ્છતા વ્યવસ્થાને લઈને ચિંતા વધારી છે. મુસાફરો દ્વારા સવાલ ઉઠાવવામાં આવી રહ્યો છે કે જો ખાદ્ય પદાર્થો રાખવામાં આવતા મશીનમાં ઉંદર પહોંચી શકે છે, તો કેન્ટીનમાં સ્વચ્છતા અને ફૂડ સેફ્ટીના નિયમોનું કેટલું પાલન કરવામાં આવે છે? આવી બેદરકારીથી મુસાફરોના સ્વાસ્થ્ય પર ગંભીર અસર થવાની શક્યતા પણ રહે છે.

હાલ વાયરલ વીડિયોની ચોક્કસ વિગતો અને ઘટનાની સત્તાવાર પુષ્ટિ અંગે માહિતી સામે આવી નથી. જોકે, વીડિયો સામે આવ્યા બાદ સંબંધિત તંત્ર દ્વારા સમગ્ર મામલે તપાસ કરવામાં આવે અને સ્ટેશનની કેન્ટીનમાં સ્વચ્છતા તથા ખાદ્ય સુરક્ષાના નિયમોનું કડક પાલન થાય તેવી માંગ ઉઠી રહી છે.