સિટી ન્યુઝ @ ગાંધીનગર

સ્વતંત્રતા દિવસ 2026 નિમિત્તે પોલીસ સેવામાં વિશિષ્ટ કામગીરી અને લાંબા સમયની ઉત્કૃષ્ટ સેવા બદલ આપવામાં આવતા પ્રતિષ્ઠિત રાષ્ટ્રપતિ પોલીસ મેડલની જાહેરાત કરવામાં આવી છે. આ ગૌરવપૂર્ણ યાદીમાં ગુજરાત પોલીસ દળના કુલ 19 અધિકારીઓ અને કર્મચારીઓની વિશિષ્ટ અને પ્રશંસનીય સેવા બદલ પસંદગી કરવામાં આવી છે. કેન્દ્ર સરકારના ગૃહ મંત્રાલય દ્વારા સત્તાવાર યાદી જાહેર કરવામાં આવી છે.

ગુજરાત કેડરના સિનિયર IPS અધિકારી અને એડિશનલ ડીજી અમિતકુમાર વિશ્વકર્મા તેમજ બહાદુરસિંહ ચુડાસમાને તેમની શ્રેષ્ઠ કામગીરી બદલ પ્રેસિડેન્ટ્સ મેડલ ફોર ડિસ્ટિંગ્વિશ્ડ સર્વિસ (PSM) એનાયત કરવામાં આવ્યો છે. રાજ્યના 19 પોલીસકર્મીઓમાં ઉચ્ચ IPS અધિકારીઓથી લઈને પાયાના કર્મચારીઓ સુધીના કર્તવ્યનિષ્ઠ જવાનોનો સમાવેશ થાય છે.

પસંદ થયેલા કર્મચારીઓમાં એક એડિશનલ ડિરેક્ટર જનરલ કક્ષાના, એક ડેપ્યુટી સુપરિન્ટેન્ડેન્ટ (DySP), એક પોલીસ ઇન્સ્પેક્ટર (PI), બે આર્મ્ડ પોલીસ સબ ઇન્સ્પેક્ટર તથા અન્ય PSI, આસિસ્ટન્ટ સબ ઇન્સ્પેક્ટર (ASI) અને હેડ કોન્સ્ટેબલ રેન્કના કર્મચારીઓ સામેલ છે. આ તમામ જવાનોએ પોતાની ફરજ દરમિયાન કાયદો અને વ્યવસ્થા જાળવવામાં અસાધારણ યોગદાન આપ્યું છે.

સ્વતંત્રતા પર્વ નિમિત્તે દેશના વિવિધ રાજ્યો અને કેન્દ્રશાસિત પ્રદેશોના શ્રેષ્ઠ પોલીસ અધિકારીઓનું સન્માન કરવામાં આવે છે. ગુજરાતના 19 પોલીસકર્મીઓને મળેલું આ રાષ્ટ્રીય બહુમાન રાજ્ય પોલીસ બેડા માટે અત્યંત ગૌરવની ક્ષણ છે અને અન્ય સુરક્ષાકર્મીઓ માટે પણ નિષ્ઠાપૂર્વક ફરજ બજાવવાની પ્રેરણા પૂરી પાડે છે.

નોંધનીય છે કે કેન્દ્ર સરકાર દ્વારા પોલીસ દળ માટે વીરતા મેડલ, રાષ્ટ્રપતિ વિશિષ્ટ સેવા મેડલ અને મેધાવી સેવા મેડલ એમ વિવિધ કેટેગરીમાં એવોર્ડ્સ આપવામાં આવે છે. કોઈ પણ જોખમી પરિસ્થિતિમાં અસાધારણ સાહસ દર્શાવવા અને લાંબા સમયની કર્તવ્યનિષ્ઠાપૂર્ણ સેવા બદલ પસંદગી સમિતિ દ્વારા આ સન્માન એનાયત કરવામાં આવે છે.

ગુજરાતના 19 પોલીસકર્મીઓને રાષ્ટ્રપતિ મેડલ એનાયત

સ્વતંત્રતા દિવસ નિમિત્તે ગુજરાતના 19 પોલીસ અધિકારી અને કર્મચારીઓને વિશિષ્ટ સેવા માટે રાષ્ટ્રપતિ મેડલ એનાયત કરાયા છે. જેમાં અમિતકુમાર વિશ્વકર્મા અને બહાદુરસિંહ ચુડાસમાને વિશિષ્ટ સેવા મેડલ મળ્યો છે. આ ઉપરાંત DySP, PI, PSI અને હેડ કોન્સ્ટેબલ કક્ષાના જવાનોની સમર્પિત કામગીરી બદલ પસંદગી થતાં રાજ્ય પોલીસનું ગૌરવ વધ્યું છે.

19 પોલીસ અધિકારી-કર્મચારીને રાષ્ટ્રપતિ પોલીસ મેડલ

ક્રમ નં.	અધિકારી-કર્મચારીઓનું નામ	હોદ્દો
1	અમિતકુમાર કિશોર વિશ્વકર્મા	એડિશનલ ડિરેક્ટર જનરલ
2	બહાદુરસિંહ અભેસિંહ ચુડાસમા	ડેપ્યુટી સુપરિન્ટેન્ડેન્ટ ઓફ પોલીસ
3	સૌરભ દોલલ તોલુમ્બિયા	ઇન્સ્પેક્ટર જનરલ
4	કનૈયા લક્ષ્મણભાઈ વાઘેલા	ડેપ્યુટી સુપરિન્ટેન્ડેન્ટ ઓફ પોલીસ
5	બાબુભાઈ રામજીભાઈ કોળી	ઇન્સ્પેક્ટર
6	બલવંતસિંહજી મોતીસિંહજી સોલંકી	આર્મ્ડ પોલીસ સબ ઇન્સ્પેક્ટર
7	દિલીપસિંહ કીર્તિસિંહ રાણા	આસિસ્ટન્ટ સબ ઇન્સ્પેક્ટર
8	સંદીપ મહેન્દ્રભાઈ પટેલ	સબ ઇન્સ્પેક્ટર
9	જયસિંહ ઘનશ્યામસિંહ રાજ	સબ ઇન્સ્પેક્ટર
10	દિનેશકુમાર મણીભાઈ પટેલ	સબ ઇન્સ્પેક્ટર
11	અનિલ શિવરામન નાયર	સબ ઇન્સ્પેક્ટર
12	નાનજી તારશીભાઈ અઘેરા	આર્મ્ડ પોલીસ સબ ઇન્સ્પેક્ટર
13	સબ્બીરખાન કરીમખાન ઠેબા	આસિસ્ટન્ટ સબ ઇન્સ્પેક્ટર
14	અજય પ્રહલાદભાઈ ઓઝા	હેડ કોન્સ્ટેબલ
15	તરુણસિંહ ગણપતસિંહ સોલંકી	હેડ કોન્સ્ટેબલ
16	ઉત્તમસિંહ ગુણવંતસિંહ ઝાલા	સબ ઇન્સ્પેક્ટર
17	રાજેશકુમાર કરશનભાઈ મીર	હેડ કોન્સ્ટેબલ
18	ભરતસિંહ નટવરસિંહ વાઘેલા	સબ ઇન્સ્પેક્ટર
19	કલ્પેશકુમાર સોમાભાઈ દેસાઈ	આસિસ્ટન્ટ સબ ઇન્સ્પેક્ટર