• સાત સાવચેતી પરિવારને બીમારીથી દૂર રાખશે

સિટી ન્યૂઝ@ગાંધીનગર

વરસાદની ઋતુ બાળકો માટે જેટલી મનોરંજક હોય છે, તેટલું જ ચેપનું જોખમ પણ વધારી દે છે. આ ઋતુમાં હવામાં ભેજ, ઇસમાં મિલન, ફંગસ અને દૂષિત ખોરાક-પાણી બાળકોને ઝડપથી બીમાર કરી શકે છે. તેમજ, ઘરનો ભેજ અને ફંગસ બાળકોમાં એલર્જી અને શ્વાસ સંબંધિત સમસ્યાઓનું જોખમ વધારે છે. સુરક્ષિત ભોજન, સ્વચ્છ પાણી અને સારી સ્વચ્છતાની આદતોથી બાળકોમાં થતા ઘણા ચેપ અટકાવી શકાય છે. આવી સ્થિતિમાં, ચોમાસા દરમિયાન બાળકોના સ્વાસ્થ્યની સુરક્ષા માટે કેટલીક જરૂરી બાબતોનું ધ્યાન રાખો. ભેજને કારણે સોફ્ટ ટોય્ઝમાં ધૂળ અને ડસ્ટ માઈટ્સ જમા થઈ શકે છે. આાનાથી એલર્જી અને અસ્થમાથી પીડિત બાળકોની પરેશાની વધી શકે છે. નેશનલ ઇન્સ્ટિટ્યૂટ ઓફ હેલ્થ અમેરિકા અનુસાર, સોફ્ટ ટોય્ઝને ગરમ પાણીથી ધોવાથી અને સારી રીતે સૂકવવાથી તેમાં રહેલા લગભગ ૯૦-૯૫% ડસ્ટ માઈટ્સને ઘટાડી શકાય છે. તેથી

બાળકના પલંગ પર ધોઈ શકાય તેવા સોફ્ટ ટોય્ઝ રાખો અને તેમને નિયમિતપણે સાફ કરો. ટૂથબ્રશને ટોઇલેટ કે વોશબેસિન પાસે ન રાખો. બ્રશને ધોઈને સીધું રાખો, જેથી તે સારી રીતે સૂકાઈ શકે. ફ્લશ કરતી વખતે ટોઇલેટનું ઢાંકણું બંધ રાખો અને બ્રશ પર કેપ લગાવવાને બદલે તેને ખુલ્લી હવામાં સૂકાવા દો. બ્રશ કેપનો ઉપયોગ ફક્ત મુસાફરી દરમિયાન કરો. ચોમાસામાં દીવાલોની ફૂગ અને ભેજ બાળકોમાં ઉધરસ, એલર્જી અને અસ્થમાની સમસ્યા વધારી શકે છે. જો બાળકને શરદી-તાવ વગર વારંવાર સત્રે ઉધરસ આવતી હોય, તો ઘરમાં ભેજ, ફૂગ અને ACના ફિલ્ટરની તપાસ કરો.