• માસ્ટર સ્ટ્રોક: 2027ની ચૂંટણીમાં ઉમેદવારોને અત્યારથી જ ચૂંટણી રણ મેદાનમાં ઉતાર્યા !
• 182 વિધાનસભા બેઠકમાંથી 66 મજબૂત ઉમેદવારોને પ્રભારીને જવાબદારી સોંપી ચૂંટણીમાં લાગી જવા એલાન

સીટી ન્યૂઝ@ગાંધીનગર

ગુજરાતમાં ૨૦૨૭ની વિધાનસભા ચૂંટણીને ધ્યાનમાં રાખીને આમ આદમી પાર્ટી (AAP)એ સંગઠનને વધુ મજબૂત બનાવવા માટે મોટી સંગઠનાત્મક જાહેરાત કરી છે. પાર્ટીએ રાજ્યની ૧૧ વિધાનસભા બેઠકો માટે પ્રભારીઓની નિયુક્તિ જાહેર કરી છે. આ નિયુક્તિઓ પ્રદેશ પ્રભારી ગોપાલ રાય, પ્રદેશ પ્રમુખ ઈસુદાન ગઢવી અને પ્રદેશ સંગઠન મહામંત્રી મનોજ સોરઠીયાના માર્ગદર્શન હેઠળ કરવામાં આવી હોવાનું પાર્ટીએ જણાવ્યું છે. નવી યાદીમાં પાર્ટીના અગ્રણી નેતાઓ ઈસુદાન ગઢવી, ગોપાલ ઈટાલિયા, ચૈતર વસાવા, હેમંત જેવા સહિતના આગેવાનોને વિવિધ વિધાનસભા વિસ્તારોની જવાબદારી સોંપવામાં આવી છે. પ્રભારીઓ સ્થાનિક સંગઠનને સક્રિય બનાવશે, કાર્યકરો સાથે સતત સંકલન રાખશે તેમજ આગામી ચૂંટણી માટે પાર્ટીની તૈયારીઓને વેગ આપશે. પાર્ટીનું માનવું છે કે ૨૦૨૭ની વિધાનસભા ચૂંટણી પહેલાં સંગઠનને વિધાનસભા અને બૂથ સ્તર સુધી વધુ મજબૂત બનાવવું જરૂરી છે. તે માટે પ્રભારીઓની નિયુક્તિને મહત્વપૂર્ણ પગલું માનવામાં આવી રહ્યું છે. આગામી સમયમાં બાકીની બેઠકો માટે પણ પ્રભારીઓની જાહેરાત કરવામાં આવે તેવી શક્યતા છે.

ક્યાં શહેરના કોણ પ્રભારી બન્યા

• ડેડિયાપાડા-ચૈતર વસાવા

• ગોંડલ-જીગીષાબેન પટેલ

• જામજોધપુર-હેમંત ખવા

• જસદણ-બ્રિજરાજ સોલંકી

• ખંભાળિયા-ઈસુદાન ગઢવી

• રાજકોટ પૂર્વ-રાહુલ ભૂવા

• રાજકોટ ગ્રામ્ય-નરેન્દ્રભાઈ રાઠોડ

• વિસાવદર-ગોપાલ ઈટાલિયા

વિધાનસભા બેઠક અને પ્રભારીનું નામ