ઉત્તરપ્રદેશમાં 9 મકાનો નદીમાં ગરકાવ

» બિહાર, મધ્યપ્રદેશ, મુંબઈ, દિલ્હીમાં વરસાદ

સિટી ન્યૂઝ@ નવી દિલ્હી 

હવામાન વિભાગ (IMD) એ શનિવારે ગુજરાતના ઘણા જિલ્લાઓ માટે રેડ એલર્ટ જાહેર કર્યું છે. વિભાગના જણાવ્યા અનુસાર, આ વિસ્તારોમાં વીજળી પડવાની, ૬૦ કિમી પ્રતિ કલાકની ઝડપે તેજ પવનો ફૂંકાવાની અને ૦.૫૯ ઇંચથી વધુ વરસાદ થવાની સંભાવના છે.

જ્યારે, ઉત્તરાખંડના કેદારનાથ ધામમાં ભારે વરસાદ અને ગાઢ ધુમ્મસને કારણે શ્રદ્ધાળુઓની યાત્રા પડકારજનક બની ગઈ છે. હવામાન વિભાગની ચેતવણી બાદ જિલ્લા વહીવટીતંત્ર અને આપત્તિ વ્યવસ્થાપન વિભાગને હાઈ એલર્ટ પર રાખવામાં આવ્યા છે.

ઉત્તર પ્રદેશના બલિયામાં સરયૂ નદીના ધોવાણથી એક જ દિવસમાં ૯ મકાનો નદીમાં સમાઈ ગયા. મધ્ય પ્રદેશમાં અત્યાર સુધી વરસાદનો કોટા લગભગ પૂરો થઈ ગયો છે. જોકે, જૂનમાં ઓછો વરસાદ થવાને કારણે હજુ પણ રાજ્યમાં સામાન્ય કરતાં ૧૩% ઓછો વરસાદ નોંધાયો છે.

હરિયાણામાં જુલાઈ દરમિયાન વરસાદ અપેક્ષા કરતાં ઘણો ઓછો રહ્યો. સમગ્ર રાજ્યમાં સામાન્ય કરતાં

લગભગ ૧.૫ ઇંચ એટલે કે ૨૭% ઓછો વરસાદ નોંધાયો. બિહારમાં હજુ પણ સામાન્ય કરતાં ૪૨% ઓછો વરસાદ નોંધાયો છે. આસામમાં પૂરને કારણે છેલ્લા ૨૪ કલાકમાં વધુ બે લોકોના મોત થયા છે. આ સાથે જ મૃત્યુઆંક વધીને ૮૨ થયો છે.

દક્ષિણ કચ્છમાં વરસાદનું ઓરેન્જ એલર્ટ છે, જેના

કારણો શાળાઓ અને કોલેજોમાં રજા જાહેર કરવામાં આવી છે. ઉત્તરાખંડના રુદ્રપ્રયાગ જિલ્લામાં ભારે વરસાદ થઈ રહ્યો છે. સ્થાનિક પ્રશાસને સાવચેતીના ભાગરૂપે કેદારનાથ યાત્રા રોકી દીધી છે. આસામમાં પૂર પીડિતો માટે ઉદ્યોગપતિ ગૌતમ અદાણીએ CM ફંડમાં ૧૧ કરોડ રૂપિયાની મદદ મોકલી છે.