સિટી ન્યુઝ @ ગાંધીનગર

ગુજરાત સરકારના શહેરી વિકાસ અને શહેરી ગૃહ નિર્માણ વિભાગ દ્વારા રાજ્યના શહેરી વહીવટીતંત્રમાં મોટો ફેરફાર કરવામાં આવ્યો છે. સરકારે રાજ્યની વિવિધ નગરપાલિકાઓમાં ફરજ બજાવતા ચીફ ઓફિસર સંવર્ગના 25 અધિકારીઓની સામૂહિક બદલી અને નવી નિમણૂકના સત્તાવાર આદેશો જારી કર્યા છે. 24 August ના રોજ મંજૂર કરાયેલા આ હુકમથી અનેક નગરપાલિકાઓ સહિત 4 પ્રમુખ ઝોનના વહીવટી માળખામાં ફેરફાર થયો છે.

આ મોટા વહીવટી ફેરફાર અંતર્ગત સુરત, અમદાવાદ, ગાંધીનગર અને રાજકોટ એમ 4 ઝોનમાં પ્રાદેશિક કમિશનર કક્ષાના અધિકારીઓની જવાબદારીઓ બદલવામાં આવી છે. કેશવ કોલડીયાને અંકલેશ્વરથી બદલીને સુરત ઝોનના પ્રાદેશિક કમિશનર બનાવવામાં આવ્યા છે, જ્યારે નીતિન બોડાતને કલોલથી બદલી અમદાવાદ ઝોનના પ્રાદેશિક કમિશનર તરીકે મૂકવામાં આવ્યા છે. સતીશ પટેલને ગાંધીનગર ઝોન અને રૂપલ ખેતીયાને રાજકોટ ઝોનના પ્રાદેશિક કમિશનર તરીકે નિયુક્ત કરાયા છે.

મહાનગરપાલિકા સ્તરે પણ મહત્વના ફેરફારો કરવામાં આવ્યા છે. રવિકાન્ત પટેલને સુરેન્દ્રનગર મહાનગરપાલિકાના નાયબ મ્યુનિસિપલ કમિશનર પદેથી બદલી માણસા નગરપાલિકાના ચીફ ઓફિસર તરીકે મૂકવામાં આવ્યા છે. તેમની જગ્યાએ વેરાવળ-પાટણથી પારસ મકવાણાની બદલી કરીને તેમને સુરેન્દ્રનગર મહાનગરપાલિકાના નાયબ મ્યુનિસિપલ કમિશનર બનાવવામાં આવ્યા છે.

હુકમ અનુસાર વર્ગ-2 ના અધિકારી વૈભવ વ્યાસને માંડવી-બારોઈ નગરપાલિકાના ચીફ ઓફિસર તરીકેનો વધારાનો હવાલો સોંપવામાં આવ્યો છે. તેઓ પોતાની મૂળ કામગીરી ઉપરાંત માંડવી-બારોઈની વહીવટી જવાબદારી પણ સંભાળશે, જેથી સ્થાનિક વિકાસ કાર્યોમાં ગતિ લાવી શકાય.

રાજ્ય સરકારે તમામ બદલી અને નવી નિમણૂકોનો અમલ તાત્કાલિક અસરથી કરવા આદેશ કર્યો છે. આ સામૂહિક બદલીથી રાજ્યની અનેક નગરપાલિકાઓમાં ચીફ ઓફિસર સ્તરે નવી કાર્યકારી ટીમ સક્રિય થશે અને સ્થાનિક વહીવટી કામગીરી વધુ ઝડપી બનશે.

રાજ્યમાં 25 ચીફ ઓફિસરની સામૂહિક બદલી

ગુજરાત સરકારે નગરપાલિકાઓના 25 ચીફ ઓફિસરોની સામૂહિક બદલી કરી છે. સુરત, અમદાવાદ, ગાંધીનગર અને રાજકોટ ઝોનના પ્રાદેશિક કમિશનરો બદલાયા છે. પારસ મકવાણાને સુરેન્દ્રનગરના ડેપ્યુટી કમિશનર બનાવાયા છે, જ્યારે વૈભવ વ્યાસને માંડવી-બારોઈનો વધારાનો હવાલો સોંપાયો છે. આ તમામ બદલીઓનો અમલ તાત્કાલિક અસરથી શરૂ કરવામાં આવ્યો છે.

25 ચીફ ઓફિસરની બદલી

ચીફ ઓફિસરનું નામ	હાલનું ફરજનું સ્થળ/ કચેરી	બદલીનું સ્થળ/કચેરી
રવિકાંત પટેલ	નાયબ મ્યુનિ. કમિશ્નર, સુરેન્દ્રનગર મ.ન.પા.	માણસા
પારસ મકવાણા	વેરાવળ-પાટણ	નાયબ મ્યુનિ. કમિશ્નર, સુરેન્દ્રનગર મ.ન.પા.
કેશવ કોલડીયા	અંકલેશ્વર	પ્રાદેશિક કમિશ્નર મ્યુનિસિપાલિટી, સુરત ઝોન
વિશાલ પટેલ	ખંભાત	કલોલ
ઉમા રામીણા	દહેગામ	બોરસદ
વિરાજ શાહ	બોરસદ	ડભોઈ
નીતિન ખોડાત	કલોલ	પ્રાદેશિક કમિશ્નર મ્યુનિસિપાલિટી, અમદાવાદ ઝોન
કૈલાશ પ્રજાપતિ	તારાપુર	બારેજા
સતિષ પટેલ	માણસા	પ્રાદેશિક કમિશ્નર મ્યુનિસિપાલિટી, ગાંધીનગર ઝોન
અશ્વિન વ્યાસ	ગોંડલ	વેરાવળ-પાટણ
રૂપર ખેતીયા	ગુજરાત મ્યુનિસિપલ ફાઈનાન્સ બોર્ડ	પ્રાદેશિક કમિશ્નર મ્યુનિસિપાલિટી, રાજકોટ ઝોન
જયેશ પટેલ	વિરમગામ	ચોટીલા
જયકિશન તડવી	ડભોઈ	ખંભાત
તેજલ મુંધવા	શહેરા	દહેગામ
ભદ્રેશ પટેલ	મોડાસા	ધ્રાંગધ્રા
મંટીલ પટેલ	ધ્રાંગધ્રા	વિરમગામ
ભારતીબેન સોમાણી	ઉમરેઠ	શહેરા
વિપુલ પનારા	ચોટીલા	ઉમરેઠ
સંદીપસિંહ ઝાલા	બારેજા	રાપર
બ્રિજરાજસિંહ વાળા	જામજોધપુર	ગોંડલ
જયમલ મોઢવાડીયા	ધોરાજી	જામજોધપુર
મુકેશ વાઘેલા	કેશોદ	ધોરાજી
ભાવિન કંધાણી	નખત્રાણા	કેશોદ
જીજ્ઞેશ બારોટ	માંડવી (કચ્છ)	હારીજ
મનોજ સોલંકી	પ્રાદેશિક કમિશ્નર મ્યુનિસિપાલિટી, ગાંધીનગર ઝોન	મોડાસા