સિટી ન્યુઝ @ મુંબઈ

શ્રીલંકામાં રમાઈ રહેલી ટ્રાય-નેશન વનડે સિરીઝમાં ટીમ ઈન્ડિયા-A પોતાની કંગાળ બોલિંગના કારણે 2 મેચ હારી ગઈ છે. આ નિરાશાજનક પ્રદર્શન બાદ ભારતીય ક્રિકેટ કંટ્રોલ બોર્ડ (BCCI) એ તાત્કાલિક મોટો નિર્ણય લીધો છે. ફાઇનલમાં પહોંચવાની આશા જીવંત રાખવા માટે ગુજરાત ટાઇટન્સના ઘાતક અને IPL 2026 ના સૌથી ફાસ્ટ બોલર અશોક શર્માને રિપ્લેસમેન્ટ તરીકે તાત્કાલિક શ્રીલંકા મોકલવામાં આવ્યો છે. મંગળવાર 16 જૂનના રોજ અશોક શર્મા શ્રીલંકા પહોંચી પણ ગયો છે અને તે આગામી અફઘાનિસ્તાન-A સામેની મેચ માટે ઉપલબ્ધ રહેશે.

BCCI દ્વારા આપવામાં આવેલી સત્તાવાર માહિતી અનુસાર, ટીમનો સ્ટાર બોલર યુધવીર સિંહ ચરક ઈજાના કારણે આ સિરીઝમાંથી સંપૂર્ણપણે બહાર થઈ ગયો છે. 13 જૂનના રોજ બોલિંગ કરતી વખતે અને 11 જૂને ફિલ્ડિંગ સેશન દરમિયાન યુધવીરને જમણા ખભામાં ભારે દુ:ખાવો ઉપડ્યો હતો. મેડિકલ ટીમે સ્પેશિયાલિસ્ટની સલાહ લીધા બાદ તેને સંપૂર્ણ સ્વસ્થ થવા માટે સેન્ટર ઓફ એક્સેલન્સ બેંગલુરુ ખાતે રિહેબિલિટેશન પ્રોગ્રામમાંથી પસાર થવાની કડક સલાહ આપી છે. હવે તેના સ્થાને અશોક શર્મા બોલિંગ એટેકની કમાન સંભાળશે.

ઈન્ડિયા-A ની વર્તમાન સ્થિતિ ખૂબ જ નાજુક છે. તિલક વર્માની કપ્તાની હેઠળની આ ટીમે અત્યાર સુધી રમાયેલી 3 મેચમાંથી માત્ર 1 જ મેચમાં જીત મેળવી છે. આવી સ્થિતિમાં ટીમની ફાઈનલમાં પહોંચવાની શક્યતાઓ ઘટી ગઈ છે, પરંતુ જો 17 જૂને રમાનારી છેલ્લી લીગ મેચમાં ભારતીય ટીમ અફઘાનિસ્તાન-A ને ખરાબ રીતે હરાવી દેશે, તો સારા નેટ રન રેટના આધારે ભારત સરળતાથી ફાઈનલમાં પ્રવેશી જશે. આ કરો યા મરો મેચ માટે અશોક શર્માની ટીમમાં એન્ટ્રી ખૂબ જ મહત્વપૂર્ણ સાબિત થશે.

ટીમ ઈન્ડિયા-A માટે કરો યા મરો મેચ શ્રીલંકામાં ચાલી રહેલી ટ્રાય સિરીઝમાં ઈન્ડિયા-A માટે ફાઇનલમાં પહોંચવા 17 જૂનની અફઘાનિસ્તાન સામેની મેચ ખૂબ જ નિર્ણાયક બની ગઈ છે. ટીમે 3 માંથી માત્ર 1 મેચ જીતી છે, તેથી જો અફઘાનિસ્તાનને મોટા માર્જિનથી હરાવવામાં આવશે તો જ નેટ રન રેટના આધારે ફાઇનલની ટિકિટ મળશે. કેપ્ટન તિલક વર્મા અને બોલિંગ એટેક પર હવે મોટી જવાબદારી રહેશે.