સિટી ન્યુઝ @ નવી દિલ્હી

નવી દિલ્હી, કેન્દ્રીય મંત્રી નીતિન ગડકરીએ બોમ્બે હાઈકોર્ટમાં સોશિયલ મીડિયા પ્લેટફોર્મ્સ વિરુદ્ધ રૂ. ૧૧ કરોડના વળતરનો દાવો કર્યો છે. ફેક અને AI-જનરેટેડ વીડિયો દ્વારા દાવો કરાયો હતો કે ગડકરી અને તેમના પરિવારને E20 નીતિથી આર્થિક લાભ થાય છે. ગડકરીએ સ્પષ્ટ કર્યું કે E20 નીતિ બનાવવામાં તેમની કોઈ વહીવટી ભૂમિકા નથી અને આ નીતિ પેટ્રોલિયમ મંત્રાલય હેઠળ આવે છે, જ્યારે તેમનું મંત્રાલય માત્ર વાહનોના ટેકનિકલ નિયમો નક્કી કરે છે. બીજી તરફ, ગડકરીએ અગાઉ જણાવ્યું હતું કે તેમણે રાત્રે ૮ વાગ્યે E100 ફ્યુઅલ સાથે જોડાયેલી ફાઇલ પર સાઇન કરી છે, જેના કારણે બંને નિવેદનો વચ્ચે વિરોધાભાસ અને અસમંજસ ઊભી થઈ છે.

આ મુદ્દાને સમજવા માટે બંને મંત્રાલયોની જવાબદારીઓ અલગ છે; પેટ્રોલિયમ અને નૈસર્ગિક ગેસ મંત્રાલય (MoPNG) પાસે પેટ્રોલમાં કેટલા ટકા ઇથેનોલ મિક્સ કરવું (E10, E20) અને તેની ખરીદીનો નીતિગત અધિકાર છે, જ્યારે માર્ગ પરિવહન અને રાજમાર્ગ મંત્રાલયનું કામ ઇંધણ પર ચાલતા વાહનો માટે ટેકનિકલ નિયમો (CMVR) બનાવવાનું છે. આમ, ગડકરીનું કોર્ટમાં આપેલું નિવેદન વહીવટી દ્રષ્ટિએ સાચું છે કે E20 નીતિ પેટ્રોલિયમ મંત્રાલયની છે, જ્યારે ફાઇલ સાઇન કરવાનો દાવો વાહનોના ટેકનિકલ નિયમોને મંજૂરી આપવા સાથે જોડાયેલો છે. દરમિયાન E20 પેટ્રોલમાં માઇલેજ ઘટવા અને એન્જિનને નુકસાનના દાવાઓ સામે સરકાર દ્વારા ફ્લેક્સ-ફ્યુઅલ વાહનો લોન્ચ કરીને તે સુરક્ષિત હોવાનું સ્પષ્ટ કરાયું છે.

ઇંધણ નીતિ અને જવાબદારીઓ

વિવિધ સરકારી વિભાગો અને મંત્રાલયો વચ્ચેના કાર્યોની સ્પષ્ટ વહેંચણી નીતિગત નિર્ણયોને પારદર્શક અને વ્યવસ્થિત બનાવવામાં સહાયક બને છે.